ԱԺ «Հայաստան» խմբակցության պատգամավոր Աղվան Վարդանյանն այսօր Կառավարության հետ հարցուպատասխանի ժամանակ իր հարցն ուղղեց դահլիճի աջ կողմին՝ նրանց գովելով․ «Ապրեք, առաջին անգամ՝ լավ բան եք անում, միջնորդում եք դեռատի կանանց, վաստակավոր գործարարի կալանավորման ապուշ որոշման դեմ։ Բերեք՝ ես էլ ստորագրեմ։ Բայց եթե նույնը չեք անում Արմեն Աշոտյանի, մյուս քաղբանտարկյալների, գեներալների դեպքում՝ պրոբլեմ ունեք և ունենալու եք»։
Ապա հիշեցրեց, թե ինչ է պատասխանել դատավոր Դոլմազյանը Աշոտյանի վերաբերյալ իրենց ներկայացրած երաշխավորագրին ի պատասխան․ «Աշոտյանը տարաբնույթ կապեր ունի, այդ թվում՝ Ազգային ժողովում, կարող է դրանք օգտագործել խոչընդոտելու, միջամտելու համար։ Եւ Դոլմազյանի հանճարեղ, նախադեպային, հակաիրավական արձանագրումը՝ Ազգային ժողովում Աշոտյանի կապերի մասին է վկայում ՀՀ ԱԺ ինը պատգամավորների կողմից Արմեն Աշոտյանի համար ներկայացված երաշխավորությունը»։
Ապա դիմեց արդարադատության նախարար Գրիգոր Մինասյանին՝ հարցնելով, թե ինչպե՞ս կմեկնաբանի Դոլմազյանի մտքի թռիչքն ու ինչպես կմեկնաբանի ՔՊ-ականների միջնորդությունը։
Մինասյանն էլ պատասխանեց, որ եթե իրենց վստահորդի փաստաբանն ասում է, որ դատավորը ինչ-որ մի բան սխալ է արել, ապա պետք չէ քաղաքական ելույթներ ունենալ, այլ պետք է դիմել երկու օղակի․ «Մեկը՝ ինձ, որպես արդարադատության նախարար, կարգապահական դիմում ներկայացնել ու ասել, որ իքս դատավորը Աշոտյանի գործով արել է այս կամ այն խախտումը։ Եթե ինձ չեք վստահում, վստահեք ձեր շատ սիրելի էթիկայի հանձնաժողովին ու տեսեք՝ էթիկայի հանձնաժողովը արդյոք վարույթ կհարուցի՞, թե՞ չէ։ Ի տարբերություն նախորդ բոլոր կառավարությունների՝ ես երևի թե առաջին կամ երկրորդ նախարարն եմ, որը շատ հանգիստ ասում է՝ բերեք էդ կարգապահականները, պարոն Վարդանյան, համոզվա՞ծ եք, որ խախտում կա, բերեք»։
Մանրամասն՝ տեսանյութում