Նիկոլ Փաշինյանը, ով դեռ հունվարի 21-ին իր լայվի միջոցով հայտնել էր, թե լրացրել է համընդհանուր հայտարարագիրը, բայց Mediahub-ը նկատեց, որ նա իր հայտարարագիրը ներկայացրել է օրեր առաջ։

Հայտարարագրում նշվում է, որ Փաշինյանը տարվա ընթացքում 90 օրից ավելի փաստացի տիրապետում է անհատական բնակելի տան Երևանում` հողամասի վրա կառուցված, իր տնտեսական շինություններով: Անշարժ գույքի վերաբերյալ այլ տվյալներ չկան:
Փաշինյանի տարվա ընթացքում հանձնված փոխառության գումարը մնացել է անփոփոխ՝ տարեսկզբին այն կազմել է 49 մլն 350 հազար դրամ, որը պահպանվել է տարվա վերջում, իսկ պարտապանը «Իջևանատուն» ՓԲԸ-ն է։

Հաշվետու տարվա սկզբում Փաշինյանի բանկային ավանդը կազմել է 3 մլն 426 հազար դրամ, որը տարվա վերջում դարձել է 726 հազար 900 դրամ։

Նիկոլ Փաշինյանի բանկային հաշիվները մի քանիսն են, որոնցից մեկի դրամական միջոցները տարվա վերջում կազմել է՝ 5 հազար 380 դրամ, մյուսը՝ 27 հազար 700 դրամ, 444 հազար դրամ և 1.27 դոլար (տարեսկզբին հաշվին եղել է 803,396.3 դրամ)։
Նրա հայտարարագրած կանխիկ դրամի չափը տարվա վերջում կազմել է 700 հազար դրամ (տարեսկզբին եղել է  950,000 դրամ) և 500 դոլար ( տարեսկզբին եղել է 800 դոլար)։

Փաշինյանի եկամուտը հաշվետու տարվա ընթացքում կազմել է 80 մլն 235 հազար 230 դրամ, որից ընդամենը 17 մլն է աշխատավարձի գումարը: Մնացած եկամուտներն են՝ «Հայէկոնոմբանկ»-ից` 11,667,043.03 դրամ (վարկից ստացած փոխառություն),  «Ամերիաբանկ» ՓԲԸ-ից՝ 44,415,000 դրամ (վարկից ստացած փոխառություն), ևս 730 000 դրամ «ԱԿԲԱ ԲԱՆԿ» ԲԲԸ-ից (վարկից ստացած փոխառություն): Ապա նաև Աննա Հակոբյանի կողմից նա ստացել է 6 մլն դրամի չափով նվիրատվություն:

Փաշինյանի վարկերի մայր գումարը հաշվետու տարվա դեկտեմբերի 31-ի դրությամբ կազմել է 48 մլն 540 հազար 227 դրամ, որից 44 մլն 415 հազար դրամը բնակարաանի հիփոթեքի գումարն է, շենքը դեռ կառուցվում է։

Փաշինյանը հանգստի համար ծախսել է 5 մլն 212 հազար դրամ։

Mediahub-ը նկատեց, որ Նիկոլ Փաշինյանի աշխատավարձի չափը աճել է. եթե նախորդ տարի այն կազմում էր 16 մլն 700 հազար, ապա ներկայացված հայտարարագրում՝ 17,068,247 դրամ:

Տարբեր բանկային հաշիվների վրա Փաշինյանը նախորդ տարվա վերջին ունեցել էր 228.4 դրամ, 27,701.8 դրամ, 803,396.3 դրամ և 1.27 ԱՄՆ դոլար։

Էմմա Մարտիրոսյան