Էական ոչ մի գործով աչքի չնկած «Քաղաքացիական պայմանագիր» կուսակցության պատգամավոր Դավիթ Կարապետյանի հայտատարարգիրը ուսումնասիրելով Mediahub-ը նկատեց, որ ՔՊ-ական պագամավորը չի հետևում իր իսկ կուսակցության ղեկավարի՝ Նիկոլ Փաշինյանի հրահանգներին։

Դեռ ամիսներ առաջ ամբողջ ՔՊ-ն քաղաքացիներին հորդորում էր լրացնել իրենց հաշվետու տարվա անշարժ գույքի և եկամուտների մասին տեղեկությունը, այնինչ հենց շատ պատգամավորներ խախտել են սահմանված ժամկետը։

Այսպիսով, Կարապետյանը իր հայտարարագիրը լրացրել է հունիսի 4-ին՝ մայիսի 31-ի փոխարեն։

Անդրադառնալով իր անշարժ գույքին նկատում ենք, որ ոչ այդքան հայտնի պատգամավորը հետևել է իր թիմի անդամների օրինակին և գնել է բնակարան, սակայն ի տարբերություն իր գործընկերների՝ բնկարանի գնման արժեքը կա՛մ դիտավորյալ, կա՛մ էլ պատահաբար սխալ է գրված, քանի որ ըստ երևույթի բնակարանի արժեքը չի կարող լինել 29.5 դրամ։

Դավիթ Կարապետյանը ունի նաև 2014 թվականին նվիրատվության եղանակով ձեռք բերված բնակարան։

ՔՊ-ական պատգամավորը 2000 թվականին ժառանգություն է ստացել՝ 10 մլն դրամ՝ թանկարժեք զարդի տեսքով։

Նրա կանխիկ դրամը հաաշվետու տարում կազմել է 18 մլն դրամ։ Իսկ արդեն հաշվետու տարվա եկամուտը կազմել է 10 մլն 737 հազար դրամ, որից 8 մլն-ը ԱԺ-ից ստացած աշխատավարձն է։

ՔՊ պատգամավոր Դավիթ Կարապետյանը 2024-ից հանդիսանում է նաև «ՏՐԻԳՈՆ ՄԱՏՐԻՔՍ» ընկերության 100% բաժնետեր, ինչպես նաև տնօրեն և 2019 թվականից «ԴԻԶԱՅՆ ՊՐՈ» ընկերության 100% բաժնետեր։ 

Նշենք նաև, որ հաշվետու տարվա դեկտեմբերի 31-ի դրությամբ Կարապետյանի վարկի մայր գումարի չափը կազմել է 29 մլն 130 հազար դրամ իսկ փոխառության մնացորդի չափը 1 մլն 500 հազար դրամ։ 

Էմմա Մարտիրոսյան