ԱՄՆ Սենատն ընդունել է նախագահ Դոնալդ Թրամփի առաջարկած հարկերի կրճատման և ծախսերի մասին օրինագիծը:
Օրենքով մեծապես կրճատվում են մի շարք հարկեր, սահմանափակվում սոցիալական ապահովության ծրագրերը և ավելանում ռազմական և միգրացիայի դեմ պայքարի ծախսերը։
Օրինագիծը կավելացնի ԱՄՆ պետական պարտքը 3,3 տրիլիոն դոլարով և ընդունվել է ձայների 51-50 հարաբերակցությամբ։ 940-էջանոց օրինագիծը կուղարկվի Ներկայացուցիչների պալատ։
Թրամփը ցանկանում է մինչև հուլիսի 4-ը՝ Անկախության օրը, ստորագրել օրինագիծը։ Հանրապետական երեք սենատորներ միացել են 47 դեմոկրատներին և դեմ քվեարկել օրինագծին։ Օրինագծին դեմ է արտահայտվել նաև միլիարդատեր Իլոն Մասկը։