Ռուս մշակույթի գործիչները, գիտնականներն ու գործարարները բաց նամակով կոչ են անում ազատ արձակել Ռուբեն Վարդանյանին։ Կոչը ստորագրողների թվում են Ալեքսանդր Սոկուրովը, Նատալյա Սոլժենիցինան, Նյուտա Ֆեդերմեսերը և Ալեքսանդր Վոլոշինը։
Ռուս մշակութային, գիտական և կրթական գործիչները բաց նամակ են ստորագրել՝ ի աջակցություն գործարար և Լեռնային Ղարաբաղի նախկին պետնախարար Ռուբեն Վարդանյանի, ով ձերբակալվել էր Ադրբեջանի իշխանությունների կողմից Լեռնային Ղարաբաղից հեռանալու փորձի ժամանակ։
Դիմումի հեղինակները նշում են, որ Վարդանյանը միշտ դեմ է եղել բռնությանը, նույնիսկ այն դեպքերում, երբ թշնամանքն անհաշտ է թվում։
«Կոչ ենք անում բոլորին, ովքեր կարող են հասնել Ռուբեն Վարդանյանի ազատ արձակմանը. մենք հորդորում ենք նրան հնարավորություն տալ վերամիավորվել ընտանիքի հետ և վերադառնալ ստեղծագործական աշխատանքի՝ ի շահ մարդկանց»,- ասված է նամակում։