Մենք հիմնվում ենք մեր պայմանավորվածություններով, որոնք արձանագրված են թղթի վրա: Մենք կոնկրետ կարձագանքենք բոլոր քայլերին։ Այս մասին ամենշաբաթյա ճեպազրույցի ժամանակ հայտարարել է ՌԴ ԱԳՆ ներկայացուցիչ Մարիա Զախարովան՝ անդրադառնալով հարցին, թե ռուսական կողմը Երևանից բացասական քայլեր ակնկալո՞ւմ է Հայաստանում ռուսական ռազմակայանի ապագայի վերաբերյալ։
Դիվանագետի խոսքով՝ Ռուսաստանը մեկնաբանություններ է տալիս ընթացիկ իրադարձությունների վերաբերյալ, որոնք արդեն որոշված են։
«Իսկ ենթադրելով զբաղվում են վերլուծաբանները»,- նշել է նա։