Մոսկվայի մարզի մասնավոր կլինիկայում կրծքի մեծացման վիրահատության ժամանակ կին է մահացել, հայտնել է տարածաշրջանային քննչական կոմիտեի մամուլի ծառայությունը։
Ըստ «ՌԵՆ ՏՎ»-ի աղբյուրի՝ 47-ամյա կինը դուրս չի եկել անզգայացումից ու մահացել է վիրահատական սեղանին։ Բժիշկները փորձել են վերակենդանացնել հիվանդին, սակայն ապարդյուն։
«Բժշկական փաստաթղթերը առգրավվել են փորձաքննության համար, մասնավոր կլինիկայի աշխատակիցները հարցաքննվել են, և նշանակվել է դատաբժշկական փորձաքննություն», - հայտնել է քննչական կոմիտեն։
Հարուցվել է քրեական գործ՝ անզգուշությամբ մահ պատճառելու հատկանիշներով։