Ճապոնիայի նախկին վարչապետ Սինձո Աբեի նկատմամբ հրազենի կիրառմամբ մահափորձ է կատարվել: Նա վիրավոր է, անգիտակից վիճակում հոսպիտալացվել է: Դեպքը տեղի է ունեցել Նարա քաղաքում նրա ելույթի ժամանակ, տեղի ժամանակով մոտ 11.30-ին (Երևանի ժամանակով 06.30-ին), հայտնում է Kyodo գործակալությունը:

Լսվել է 2 կրակոց, որից հետո քաղաքական գործիչն ընկել է: Չարագործը կրակ է արձակել թիկունքից, փամփուշտները հայտնվել են կրծքավանդակի շրջանում: Նշվում է, որ Աբեն կյանքի նշաններ ցույց չի տալիս:

Դեպքի վայրում ոստիկանությունը ձերբակալել է 40-ամյա Տեցույա Յամագամիին: Կասկածյալը դիմադրություն չի ցուցաբերել:

Նարայի համալսարանական հիվանդանոցից հայտնել են, որ քաղաքական գործիչը գտնվում է իրենց մոտ, սակայն նրա վիճակի վերաբերյալ մեկնաբանությամբ հանդես չեն եկել:

Տեսանյութը՝ այստեղ