ՌԴ ԱԳ նախարար Սերգեյ Լավրովը ժամանել է Մեծ քսանյակի երկրների ԱԳ նախարարների հանդիպման, որն անցկացվում է ինդոնեզական Բալի կղզում. այդ մասին հայտնում է РИА Новости-ն:

Նախարարական հանդիպումն անցկացվում է Ռուսաստանի և արևմտան երկրների հարաբերություններում աճող լարվածության պայմաններում:

Երեկ Մեծ յոթնյակի երկրների դիվանագիական գերատեսչությունների ղեկավարները որոշել էին չմասնակցել ընթրիքի՝ ի նշան Լավրովի ներկայության դեմ բողոքի:

ՌԴ ԱԳՆ պաշտոնական ներկայացուցիչ Մարիա Զախարովան РИА Новости-ին հայտնել է, որ նախարարը մի քանի հանդիպումներ է ունեցել և չի էլ նկատել միջոցառումը բոյկոտող նախարարների բացակայությունը: Ավելի վաղ Լավրովը G20-ի շրջանակում բանակցություններ է անցկացրել Չինաստանի և Թուրքիայի ԱԳ նախարարներ Վան Իի և Մևլյութ Չավուշօղլուի հետ, ծրագրված են նաև այլ շփումներ:

Kyodo-ի փոխանցմամբ՝ այսօր չեղարկվել է նաև լուսանկարման արարողակարգն ԱՄՆ պետքարտուղար Էնթոնի Բլինկենի դիրքորոշման պատճառով, ով չի ցանկացել մասնակցել միջոցառմանը ռուս գործընկերոջ հետ: