ԵՊԼՀ ռեկտորի ընտրության հարցը վիճարկվում է դատական կարգով, և այս պահին կառավարությունը գնացել է միակ հնարավոր ճանապարհով։ Այդ մասին այսօր լրագրողների հետ զրույցում ասաց ԿԳՄՍ նախարար Ժաննա Անդրեասյանը՝ անդրադառնալով նորանշանակ ռեկտորի դեմ ուսանողների բոյկոտին։
Նրա խոսքով՝ ձևավորվել է ժամանակավոր խորհուրդ, հիմա էլ ժամանակավոր ռեկտոր է նշանակվել։
«Երեկ ես եղել եմ բուհում, կարծում եմ՝ եղած հարցերը սպառված են»,- նշեց նա։
Հարցին, թե արդյո՞ք ինքը համաձայն է, որ այժմ չկա բուհական ինքնավարություն, Անդրեասյանը պատասխանեց՝ խոսեք կոնկրետ, դեպքերով։
«Խոսեք դեպքի մասին, երբ հայտարարություն է արվել, թե բուհի ինքնավարությունը վտանգված է։ Դուք խոսում եք ընդհանրական դատողություններով, ուրեմն պատասխան չեք լսի»,- նշեց նա։
Խոսելով ակադեմիական քաղաքից, նախարարը նշեց՝ առաջիկայում հստակ քայլեր կարվեն այդ ուղղությամբ։
«Առաջիկայում կներկայացնենք ակադեմիական քաղաքի կառուցման նախագիծը։ Կլինի հստակ կառույց, որը կզբաղվի ամբողջ աշխատանքներով»,- նշեց նա։
Մանրամասները՝ տեսանյութում։