Դրամի փոխարժեքը՝ այսօր
Եղանակը՝ այսօր
Քաղաքականություն

Իտալիայի ԱԳ նախարարն իր կուսակցությանը մեղադրել է Ուկրաինային չաջակցելու համար

Blog Image

Իտալիայի արտաքին գործերի նախարար Լուիջի Դի Մայոն իր «Հինգ աստղերի շարժում» կուսակցությանը մեղադրել է՝ Ուկրաինային աջակցելու կառավարության ջանքերը խաթարելու եւ Եվրոպական միությունում Հռոմի դիրքերը թուլացնելու համար, հայտնում է Reuters լրատվական գործակալությունը:

Սա կարող է վկայել կուսակցությունում առաջացող պառակտման մասին: Ներկուսակցական այս հակամարտությունը խնդիրները է ստեղծում նաեւ վարչապետ Մարիո Դրագիի համար, քանի որ երեքշաբթի օրը Ուկրաինայի հարցում կարեւոր քվեարկություն է սպասվում: Որոշ կուսակցականներ ցանկանում են սահմանափակել Ուկրաինային ուղարկվող զենքի քանակը:

Վերոնշյալ քվեարկությանն անդրադառնալով՝ Դի Մայոն ասել է, որ կառավարությունը պետք է պաշտպանի ժողովրդավարության եւ ազատության արժեքները՝ հավելելով, որ չնայած բոլորը խաղաղություն են ուզում, Ռուսաստանի նախագահ Վլադիմիր Պուտինը պատերազմ է ցանկանում։

Նա նշել է, որ կուսակցության առաջնորդները ատելությամբ են լցված եւ եվրոպացի գործընկերների հետ կապված խնդիրներ են ստեղծում կառավարության համար:

«Հինգ աստղերի շարժում» կուսակցությունը խորհրդարանում ամենամեծ քաղաքական ուժն է, որը 2018 թվականի համապետական ​​ընտրություններում ստացել է ձայների 33 տոկոսը, ինչից հետո էլ, սակայն, ներկուսակցական վիճակը վատացել է։

Եթե արտգործնախարարը լքի կուսակցությունը, ապա մի խումբ կողմնակիցներ կհետեւեն իրեն, ինչը նոր ցնցումներ կբերի Դրագիի վարչակազմին:

Send