Նախկինների օրոք արդարադարության նախարարությունում տարբեր պաշտոններ զբաղեցրած և այս իշխանությունների օորք փոխնախարար դարձած Արմենուհի Հարությունյանը կարծում է, որ երկրում ապօրինի կերպով հավաք իրականացնողները, բնականաբար, պետք է պատասխանատվության ենթարկվեն։
Երբ նրան հիշեցրինք, որ Նիկոլ Փաշինյանն էլ 2018-ին էր այդպիսի հավաքներ իրականացնում՝ պարալիզացնելով մայրաքաղաքի երթևեկությունը, Արմենուհի Հարությունյանն ասաց․ «Երբ որ հազարավոր քաղաքացիներն արեն հոգնել էին այն աստիճանի, որ իշխանափոխության անհրաժեշտություն էին տեսնում, դրանք շատ զանգվածային բնույթ կրող միջոցառումներ էին, որոնք մեկնաբանել չեմ ուզում»։
Հարցին՝ ի՞նքն էլ էր հոգնել նախորդ իշխանություններից, և ի՞նքն էլ է փողոց փակել այդ օրերին, Հարությունյանը նախկիններից իր հոգնածության կամ ներկայում իր աշխատանքային ծանրաբեռնվածությունից հոգնածության մասով չցանկացավ որևէ բան մեկնաբանել, չասաց նաև՝ արդարադատության նախկին նախարարներից ո՞ւմ օրոք էր ավելի լավ, միայն նշեց, որ բոլորի հանդեպ հարգանք ունի ու չի ցնականում գնահատական տալ։
Ապա ավելացրեց․ «Ես ի պաշտոնե իրավասություն չունեի իմ քաղաքական դիրքորոշումը ցույց տալու և փողոցներ ես անձամբ չեմ փակել»։
Նրան հիշեցրինք նաև, որ այս իշխանությունների օրոք հանձնվեց Արցախը, հազարավոր զոհեր ունեցանք, և մեր պետականության հիմքերը խախուտ են, մեղմ ասած, Արմենուհի Հարությունյանն ասաց, թե մեր անձնական որակումն է՝ որքանով է այսօր ՀՀ պետականության հիմքերը խարխլված, իսկ Արցախի հանձնման մասով էլ ասաց․ «Արցախի հանձնումը ՀՀ իշխանությունների որևէ գործողությամբ պայմանավորված չէ, այս դեպքում Արցախի հանձնման համար երևի թե Արցախի իշխանություններին հարց ուղղեք»։
Մանրամասն՝ տեսանյութում
Վահե Մակարյան