ԱՄՆ նախագահ Դոնալդ Թրամփը հայտարարել է, որ «ահռելի առաջընթաց» է տեսնում Ուկրաինայի հակամարտության կարգավորման հարցում։
«Ես կարծում եմ, որ մենք հսկայական առաջընթաց ենք գրանցել, առաջընթաց ենք արձանագրել պատերազմի հարցում... Ես ցանկանում եմ, որ պատերազմն ավարտվի», - ասել է նա Սպիտակ տանը:
Հունվարին ՌԴ Անվտանգության խորհրդի մշտական անդամների հետ հանդիպման ժամանակ ՌԴ նախագահ Վլադիմիր Պուտինը հայտարարել է, որ ուկրաինական հակամարտության կարգավորման նպատակը չպետք է լինի կարճաժամկետ հրադադարը և ուժերի վերախմբավորումը և վերազինումը հետագայում հակամարտությունը շարունակելու նպատակով, այլ երկարաժամկետ խաղաղությունը։ Նրա խոսքով, ռուսական իշխանությունները շարունակելու են պայքարել ռուս ժողովրդի շահերի համար. Ուկրաինայում խաղաղությունը, նշել է Պուտինը, պետք է հիմնված լինի «բոլոր մարդկանց, բոլոր ազգերի օրինական շահերի հարգման վրա, ովքեր ապրում են այս տարածաշրջանում»։
Իր հերթին Թրամփն ասել է, որ Վլադիմիր Զելենսկին պատրաստ է գործարք կնքել Ուկրաինայի հակամարտությունը լուծելու համար, սակայն չի հստակեցրել, թե ինչ պայմաններում։ Ամերիկացի առաջնորդը նշել է, որ Պուտինի հետ զրույցը կարող է տեղի ունենալ «շատ շուտով»։