Բերձորը, Աղավնոն Ադրբեջանը վերածում է ռազմական ավանի։ Այս մասին MediaHub.am-ի հետ զրույցում ասաց Բերձորի քաղաքապետ Նարեկ Ալեքսանյանը։
«Դատելով իրենց գործողություններից ու տարածած տեսանյութերից պարզ է դառնում, որ համայնքներն օգտագործվում են որպես ռազմական ավաններ։ Այնտեղ են նաև ենթակառուցվածքների հետ աշխատանք տանողները»,-ասաց նա։
Նարեկ Ալեքսանյանը անդրադարձավ նաև Բերձորի ցուցանակը կոտրելուն․
«Գիտենք, որ թշնամու հետ գործ ունենք, իրենց կողմից վայրագությունները զարմանալի չեն։ Աշխարհին իրենց դեմքն են ցույց տալիս»,-ասաց նա։
Հիշեցնենք, որ օգոստոսի 25-ից Արցախի Քաշաթաղի շրջանի Բերձոր, Աղավնո, Ներքին Սուս համայնքները անցել են Ադրբեջանի վերահսկողության տակ։ Լաչինի միջանցքը գործելու է մինչև օգոստոսի 30-ը՝ ժամը 20։00-ը, դրանից հետո Արցախի հետ տրանսպորտային կապն ապոհվվելու է նոր երթուղով։
Անի Գևորգյան