ՀԱՄԱՍ-ն այսօր ընդհանուր առմամբ ազատել է երեք իսրայելցի պատանդի, գրել են ԶԼՄ-ները։

ՀԱՄԱՍ-ը նրանց հանձնել է Կարմիր խաչի միջազգային կոմիտեի ներկայացուցիչներին՝ Գազայում հրադադարի համաձայնագրի շրջանակներում։

Ազատվածների թվում է նաև 35-ամյա Յարդեն Բիբասին, ով առևանգվել էր Կիբուց Նիր Օզից 2023 թվականի հոկտեմբերի 7-ին կնոջ՝ Շիրիի և փոքր որդիների՝ Քֆիրի և Արիելի հետ։ 2023 թվականի նոյեմբերին պաղեստինյան խմբավորումը հրապարակել էր մի տեսանյութ, որում Բիբասին հայտնել էին, որ իր ողջ ընտանիքը մահացել է գերության մեջ։
 

Ի պատասխան՝ Իսրայելը պարտավորվել է ազատ արձակել 183 պաղեստինցիների։