ԱՄՆ նախագահ Դոնալդ Թրամփի՝ Ուկրաինայի հարցով հատուկ բանագնաց Քիթ Քելոգը Fox News-ի եթերում ասել է, որ Սպիտակ տան ղեկավարը մտադիր է Մոսկվային և Կիեւին լծակներ տալ հակամարտության կարգավորման բանակցությունների համար։
Քաղաքական գործչի խոսքով՝ ամերիկյան վարչակազմը դիտարկում է ոչ միայն Ռուսաստանի, այլև Ուկրաինայի վրա ճնշում գործադրելու տարբերակներ՝ հակամարտությունը հնարավորինս արագ ավարտելու համար։
«Նա գիտի, թե որտեղ պետք է ճնշել, որտեղ՝ ոչ, բայց ավելի կարևոր է, որ նա լծակներ կստեղծի և՛ ուկրաինացիների, և՛ ռուսների համար։ Եվ տողերի արանքում կարող եք կարդալ, որ իրականում լծակներն այսպես են ստեղծվում։ Նա հիանալի է գործարքներ կնքում»,- ասել է Քելլոգը: