Ադրբեջանը և Հայաստանը կարող են խաղաղության համաձայնագիր ստորագրել տասնամյակներ շարունակվող հակամարտության՝ Լեռնային Ղարաբաղի շուրջ, երբ երկրների առաջնորդները հաջորդ շաբաթ հանդիպեն եվրոպական գագաթնաժողովում։ Այս մասին, ինչպես հաղորդում է Reuters-ը, հայտարարել է Ֆրանսիայում Բաքվի դեսպանը։
Հայաստանի վարչապետ Նիկոլ Փաշինյանը և Ադրբեջանի նախագահ Իլհամ Ալիևը բարձր մակարդակի բանակցություններ կունենան Ֆրանսիայի նախագահ Էմանուել Մակրոնի և Գերմանիայի կանցլեր Օլաֆ Շոլցի հետ, հայտնում են դիվանագիտական աղբյուրները։
«Հուսով ենք, որ հունիսի 1-ին Քիշնևում վերջապես խաղաղության պայմանագիր կստորագրվի», - Փարիզում լրագրողներին ասել է Լեյլա Աբդուլաևան: