Տեսանելի ապագայում Հայաստանի և Ադրբեջանի միջև խաղաղ պայմանագրի ստորագրումը հնարավոր է. ասել է ՌԴ նախագահի մամուլի քարտուղար Դմիտրի Պեսկովը։
Ավելի վաղ ՌԴ նախագահ Վլադիմիր Պուտինը հայտարարել էր, որ Ռուսաստանի Դաշնության, Հայաստանի և Ադրբեջանի փոխվարչապետները մեկ շաբաթից կհանդիպեն և կքննարկեն Ղարաբաղի վերաբերյալ տեխնիկական հարցեր։
«Իրոք, երեկ նախագահ Պուտինը, Ալիևը և վարչապետ Փաշինյանը պայմանավորվածություններ ձեռք բերեցին և հանձնարարական տվեցին, որ հաջորդ շաբաթ, այսինքն՝ մեկ շաբաթից համապատասխան փոխվարչապետները կհանդիպեն։ Նրանք կհավաքվեն Մոսկվայում և կհղկեն առկա խնդիրները, բայց մենք դեռ պետք է պայմանավորվենք մանրամասների շուրջ», - ասել է Պեսկովը լրագրողներին՝ պատասխանելով այն հարցին, թե, ըստ Կրեմլի, այս հանդիպումը կարելի է վերջնական համարել մինչև խաղաղության պայմանագրի ստորագրումը։