«Մթնշաղ» (Twilight) ֆիլմաշարի հիման վրա նկարահանված սերիալը լինելու է անիմացիոն։ Այս մասին հայտնել է Deadline-ը։

Ընկերության փոխնախագահ Մայքլ Բըրնսը ենթադրել է, որ շոուի այս ձևաչափը կարող է մեծ հետաքրքրություն առաջացնել հեռուստադիտողների շրջանում։ Աղբյուրների համաձայն՝ նախագիծը հենց սկզբից մտահղացվել է որպես անիմացիոն սերիալ։

Ինչ վերաբերում է «Ջոն Ուիք» ֆիլմաշարին, ապա Բըրնսն ասել է․ «Կարծում եմ՝ մենք կնկարահանենք մեր հիանալի մարտաֆիլմներից մեկը՝ Կիանու Ռիվզի գլխավոր դերակատարմամբ։ Կարծում եմ, որ դա կլինի հեռուստասերիալ»: