Նեխուրն ու խնձորը լավագույն բուսական սնունդն են քաշի կորստի համար։ Այս մասին Daily Mirror-ին ասել է սննդաբան Անեկուա Գոդարտը։
Գոդարտը նեխուրն անվանել է եզակի մթերք դիետա պահողների համար, քանի որ այն պարունակում է ավելի քիչ կալորիաներ, քան օրգանիզմին անհրաժեշտ է այն մարսելու համար: «Բացի այդ, այն հակաօքսիդանտների լավ աղբյուր է և օգնում է կանխել քաղցը»,- նշել է Գոդարտը։
Մասնագետն ասել է, որ նեխուրը հարուստ է բետա-կարոտինով ու ֆլավոնոիդներով, որոնք նվազեցնում են մարսողական համակարգի բորբոքումները և նույնիսկ կանխում են այնպիսի հիվանդությունները, ինչպիսին է քաղցկեղը։
Գոդարտը խնձորը նշել է որպես նիհարելու եւս մեկ լավ տարբերակ։ Նրա խոսքով՝ այն հարուստ է բջջանյութով ու պեկտինով, որոնք օգնում են կարգավորել օրգանիզմում ճարպի կլանումը։ «Այն հատապտուղները, ինչպիսիք են ելակը, հապալասը և ազնվամորին, ցածր են շաքարով, բայց բարձր են հակաօքսիդանտներով ու բջջանյութով, ինչը նրանց դարձնում է իդեալական քաղցրի ցանկությունը բավարարելու համար», - հավելել է փորձագետը:
Գոդարտը խորհուրդ է տվել սննդակարգում ավելացնել բրոկկոլի, ծաղկակաղամբ ու վարունգ։ Նա նշել է, որ քանի որ դրանք պարունակում են շատ ջուր, բջջանյութ, ու գրեթե չկա կալորիա, հագեցվածության զգացում են տալիս, բայց չեն հանգեցնում քաշի ավելացման: