Ի՞նչ հիմքով եք ազատվել զինվորական ծառայությունից։ Նման հարց ուղղեց ԲԴԽ անդամի թեկնածու Կարեն Թումանյանին «Հայաստան» խմբակցության պատգամավոր Ագնեսա Խամոյանը։
Ի պատասխան հարցի՝ Թումանյանը նշեց, որ օրենքի հիման վրա է ազատվել զինվորական ծառայությունից։
«Իմ բարեվարքության մասին վեց անգամ քննություն է անցկացվել, և բոլոր դեպքերով ստացել եմ դրական եզրակացություն»,- նշեց նա։
Արձագանքելով՝ Խամոյանն ասաց, որ ընտանեկան դրությունից ելնելով է Թումանյանն ազատվել զինվորական ծառայությունից, այսինքն՝ երեխաներ ունենալով պայմանավորված։
«Ո՞նց է ստացվում, որ 2012 թվականին եք ամուսնացել, բայց 1994-ին երկու և ավելի երեխա ունենալու հանգամանքով պայմանավորված ազատվել եք ծառայությունից»,- նշեց պատգամավորը։
Կարեն Թումանյանն էլ խնդրեց, որ Խամոյանն իր բառերին ուշադիր լինի, զգույշ խոսի այն մասին, թե իբր ինքը խուսափել է ծառայությունից։
«Դուք գուցե սովոր եք, որ ԱԺ-ում ինչ ուզեք-խոսեք, ու հետևանք չունենա, բայց խնդրում եմ ուշադիր եղեք»,- նշեց նա։
Մանրամասները՝ տեսանյութում։