Իրանի նավթի նախարար Ջավադ Օուջին հայտարարել է, որ Թեհրանը և Մոսկվան շուտով համաձայնագիր կստորագրեն նավթի և գազի փոխանակման վերաբերյալ, հայտնում է Shana-ն։
«Շատ մոտ ապագայում Ռուսաստանից գազի ներկրման և փոխանակման վերաբերյալ վերջնական համաձայնագիր կստորագրվի ռուսական կողմի և Իրանի գազի ազգային ընկերության միջև Մոսկվայում»,- ասել է նախարարը։
Նախօրեին Reuters-ը, վկայակոչելով Նավթ արտահանող երկրների կազմակերպության (ՕՊԵԿ) աղբյուրներ, հայտնել էր, որ ՕՊԵԿ+ նավթի արդյունահանման կրճատումը կարող է անխուսափելի լինել։ Դա կհամընկնի նավթի շուկա Իրանի վերադարձի հետ, եթե նա միջուկային գործարք կնքի Արևմուտքի հետ: