Ուկրաինայի նախագահ Վլադիմիր Զելենսկու կայքում խնդրագիր է հայտնվել՝ ուկրաինական այբուբենը լատինատառ դարձնելու պահանջով։ Այս մասին հայտնում է ТАСС-ը։
Ստորագրահավաքի հեղինակները նման անցման կոնկրետ պատճառներ չեն նշել, սակայն նշել են, որ դրանք բավարար են:
«Խնդրում եմ ձեզ դիտարկել ժամանակակից անգլերենի շրջանակներում ուկրաինական այբուբենը լատինատառ դարձնելու հնարավորությունը: Նման անցման համար բավական պատճառներ կան, և դրանք ակնհայտ են»,- ասվում է միջնորդության մեջ։
Նախագահի դիտարկմանը ներկայացնելու համար պետք է խնդրագիրը հավաքի 25 հազար ստորագրություն։
Դեռևս Ուկրաինայում ռուսական հատուկ գործողության մեկնարկից առաջ Ուկրաինայի Ազգային անվտանգության և պաշտպանության խորհրդի քարտուղար Ալեքսեյ Դանիլովը հանդես էր եկել կյուրեղագրից (кириллица) հրաժարվելու և լատինատառին անցնելու օգտին։