Microsoft-ի օպերացիոն համակարգի հաջորդ տարբերակը կթողարկվի 2024 թվականի կեսերին։ Այս մասին հայտնել է թայվանական The Commercial Times-ը։

Լրատվամիջոցի ինսայդերների տվյալներով՝ Windows 12-ը կներկայացվի 2024 թվականի հունիսին։ Հնարավորություն կա, որ օպերացիոն համակարգը կցուցադրվի հունիսի 24-ին՝ 2021 թվականի նույն օրը Microsoft-ը շնորհանդես է անցկացրել և բացահայտել Windows 11-ը։

Համակարգչային արտադրող առաջատար ընկերությունների ղեկավարներն արդեն գիտեն նոր սերնդի օպերացիոն համակարգի գործարկման ժամկետների մասին։ Մասնավորապես, Acer-ը, Quanta-ն, MSI-ն և Gigabyte-ը, իբր, ոգևորությամբ են ողջունել ՕՀ-ի թողարկման լուրը։