Չինաստանի բնակիչը վախեցել է առողջական խնդիրներից, նիհարել է 50 կիլոգրամով և 20 տարով ավելի երիտասարդ տեսք ունի։ Այս մասին գրել է South China Morning Post թերթը։
Մինգ ազգանունով Գուանդուն նահանգից 36-ամյա տղամարդը նախկինում կշռում էր 120 կիլոգրամ։ Նա մեծ քանակությամբ շաքար էր օգտագործում և պաղպաղակ կամ գազավորված ըմպելիք էր գնում, երբ սթրես էր զգում։
Տղամարդը սկսել է գանգատվել գլխապտույտից, դեմքի թմրությունից և լյարդի հատվածի ցավերից։ Նա գնացել է հիվանդանոց, որտեղ նրա մոտ ախտորոշվել է լյարդի ոչ ալկոհոլային ճարպային հիվանդություն։ Մինգի մոտ ախտորոշվել է նաև մոտ 20 պաթոլոգիա, սակայն դա նրան չի զգուշացրել։
Ամեն ինչ փոխվել է 2021 թվականին, երբ նրա հոր գեր հարևանը կաթված է ստացել: Ալկոհոլի չափից ավելի օգտագործման պատճառով տղամարդը գլխուղեղի արյունազեղում է տարել՝ թողնելով նրան անդամալույծ։ Տեղեկանալով այդ մասին՝ Մինգը հասկացել է, որ պետք է փոխի իր ապրելակերպը։ Նա որոշել է հրաժարվել շաքարից և ազատվեց շաքարով հարուստ մթերքներից։
Բացի այդ, Մինգը դադարեցրել է բարձր գլիկեմիկ ինդեքսով մթերքներ օգտագործել և իր սննդակարգում ավելացրել է ավելի շատ բանջարեղեն և սպիտակուցներով հարուստ մթերքներ: Նա նաև սկսել է սպորտով զբաղվել և երկար քայլել։
Այսպիսով, 2 տարվա ընթացքում նրան հաջողվել է ազատվել 50 կիլոգրամ ավելորդ քաշից։