Սրտաբան Յուրի Կոնևը թվարկել է մթերքներ, որոնք խիստ սահմանափակումներ են պահանջում սրտանոթային հիվանդություններ ունեցող մարդկանց սննդակարգում:

Մասնագետն առաջին հերթին ներառել է աղի, թրջած, թթու, խոլեստերին պարունակող բոլոր մթերքները։ Չի կարելի յուղոտ միս կամ բարձր յուղայնությամբ կաթնամթերք ուտել։

Բանն այն է, որ դրանք մեծացնում են երիկամների ծանրաբեռնվածությունը, որտեղ արտադրվում են արյան ճնշումը կարգավորող հորմոններ։ Սրտի և անոթային հիվանդություններով տառապող մարդկանց համար կենսականորեն անհրաժեշտ է սահմանափակել աղի ընդունումը: Այն պահպանում է ջուրը մարմնում, ազդում է երիկամների և արյան ճնշման վրա:

NEWS.ru-ին բժիշկն ասել է, որ մեծ քանակությամբ շաքարավազը նույնպես բացասաբար է անդրադառնում սրտի վրա։ Անառողջ սննդամթերքները, անշուշտ, ներառում են ալկոհոլային խմիչքները, արագ սնունդը, հրուշակեղենը և գազավորված ըմպելիքը: