Նրանք վերջապես հանդիպեցին՝ Վլադիմիր Զելենսկին և Դոնալդ Թրամփը։ Ամերիկայի Միացյալ Նահանգներ կատարած այցի ավարտին Ուկրաինայի նախագահին ուրբաթ օրը՝ սեպտեմբերի 27-ին, հաջողվեց Նյու Յորքում շփվել նախագահի հանրապետական թեկնածուի հետ և ներկայացնել պատերազմում իր «հաղթանակի ծրագիրը»։ Գրում է DW-ն:
Թրամփի հետ հանդիպելուց առաջ նա զրուցել է Սպիտակ տան ղեկավար Ջո Բայդենի և Դեմոկրատական կուսակցության նախագահի թեկնածու Քամալա Հարիսի հետ։
Թրամփի հետ հանդիպումը, կարելի է ասել Զելենսկու հաջողությունն էր։ Կարող ենք ենթադրել, որ նա պարտական է այն ազդեցիկ հանրապետականների խմբին, ովքեր անվերապահորեն աջակցում են Ուկրաինային և կարծես թե կարողացել են այսպես ասած ճնշում գործադրել Թրամփի վրա։
Ի վերջո, արդյո՞ք Զելենսկին, ում Թրամփը հեգնանքով անվանեց «պատմության լավագույն վաճառականը», կարողացավ ԱՄՆ-ում հաջողությամբ «վաճառել» Ռուսաստանին դիմակայելու իր ծրագիրը:
Ըստ էության, Զելենսկու ծրագիրը հանգում է մի պարզ բանաձևի. թող Ուկրաինան ուժեղացնի իր ուժերը, զսպված լինի արևմտյան զենքի կիրառման սահմանափակումներով, և միգուցե մի քանի ամսվա ընթացքում նա պատրաստ կլինի խոսել Ռուսաստանի հետ հակամարտության դադարեցման մասին։ Սա մի նպատակ է, որին Ուկրաինային չհաջողվեց հասնել 2023 թվականի ամռանը իր հակահարձակման ժամանակ։ Այժմ Կիևը ցանկանում է հրթիռային հարվածներ հասցնել Ռուսաստանի խորքում գտնվող ռազմական օբյեկտներին՝ զինամթերքի պահեստներին, օդանավակայաններին, որպեսզի բանակցությունների սեղանի շուրջ նստեցնի ՌԴ նախագահ Վլադիմիր Պուտինին։ Ինքը՝ Պուտինը, ներխուժման հենց սկզբից փորձում էր հասնել դրան, բայց իր պայմաններով, որոնք ներառում են, միացված Ղրիմից բացի նաև Ուկրաինայի չորս շրջանների անջատումը ևս։
Բայց ճնշումն աճում է, ուժերն անհավասար են, ռուսական բանակը Դոնբասում ավելի ու ավելի շատ տարածքներ է գրավում։
Այստեղ պետք է նկատել մի շատ կաևրոր հանգամանք, Ուկրաինան խիստ կախված է Միացյալ Նահանգների զենքի հիմնական տեսակներից և Թրամփի իշխանության գալը կարող է վերջ դնել սրան։ Նախագահի թեկնածուն ասում է, որ դուրս գալով «խաղից», կստիպի Ուկրաինային և Ռուսաստանին գնալ բանակցությունների։
Հետևաբար, Թրամփի հետ հանդիպումը, թեև ոչ պաշտոնական, բայց ոչ պակաս կարևոր մաս է Զելենսկու ծրագրի։ Եթե Հարիսի նախագահությունից Կիևն ակնկալում է զենքի շարունակական մատակարարումներ, ապա Թրամփը ակնարկում է դրանք դադարեցնելու մասին: Եթե նույնիսկ Թրամփը չդառնա նախագահ, Ուկրաինային անհրաժեշտ է Կոնգրեսի հանրապետականների աջակցությունը՝ օգնության նոր փաթեթների ծրագրերն ընդունելու համար։
Ռուսաստանի նախագահ Պուտինը շատ լավ հասկանում է այս ամենը։ Առայժմ նրան ամենից շատ անհանգստացնում է Ռուսաստանի Դաշնության վրա արևմտյան զենքով հարձակումների մասին խոսակցությունները։ Հենց դրան են ուղղված ՆԱՏՕ-ի երկրներին որպես հակամարտության կողմ ճանաչելու և միջուկային դոկտրինը թարմացնելու նրա սպառնալիքները։
Զելենսկին, իհարկե, բարձր նշաձող է դրել՝ իր ծրագիրն անվանելով «հաղթանակի ծրագիր»։ Սա ռիսկային մոտեցում է, որը մեծ ակնկալիքներ է ստեղծում ուկրաինացիների մոտ։ Այն աշխատում էր նախկինում, թեև կային որոշ թերություններ, ինչպես 2023 թվականին Լիտվայում կայանալիք ՆԱՏՕ-ի գագաթնաժողովից առաջ։ Այժմ Զելենսկին կրկին վերադառնում է այդ նպատակին։
Զելենսկու ծրագիրը հաստատվել և փորձարկվել է Միացյալ Նահանգներում և դեռ կարող է փոփոխվել։ Հիմնական հարցերն այն են, թե ինչպե՞ս կշարունակվի պատերազմը, ինչպիսի՞ն կլինի Ուկրաինայի դիրքորոշումը Մոսկվայի հետ բանակցություններում, ի՞նչ կլինի Արևմուտքի աջակցության հետ, եթե Թրամփը դառնա ԱՄՆ նախագահ։
Գերմանիայում ամերիկյան Ռամշտեյն ավիաբազայում Ուկրաինայի հարցով կոնտակտային խմբի ամենաբարձր մակարդակով հանդիպումը խոստանում է տալ այդ պատասխանները։ Այն տեղի կունենա հոկտեմբերի 10-ին՝ Բայդենի Գերմանիա հրաժեշտի այցի ժամանակ։ Շանսեր կան, որ Արևմուտքը թույլ կտա իր զենքով հարձակումներ գործել Ռուսաստանի վրա, թեև դրանք փոքր են։ Ինչ վերաբերում է պատերազմից հետո ՆԱՏՕ-ին արագացված անդամակցության խոստմանը, ապա Կիևն այժմ կարող է ավելի լավ շանսեր ունենալ: Բայց ռիսկը մնում է, և նրա անունը Թրամփ է։