«Ուրալյան ավիաուղիներ»-ի վթարային վայրէջք կատարած ինքնաթիռն ապամոնտաժել են ցորենի դաշտում։
Ըստ SHOT-ի՝ 2023 թվականի սեպտեմբերին Ուբինսկի շրջանի ցորենի դաշտում վթարային վայրէջք կատարած «Airbus A320» ինքնաթիռի ապամոնտաժումն ավարտվել է այսօր։
6 ամսվա ընթացքում ինքնաթիռն ամբողջությամբ ապամոնտաժվել է։ Ի սկզբանե նախատեսվել է վերականգնել այն, սակայն ֆինանսապես անշահավետ է ստացվել՝ տրանսպորտի հետ կապված դժվարությունների պատճառով։
SHOT-ն ավելի վաղ հայտնել էր, որ 2023 թվականի սեպտեմբերի 12-ին «Ուրալյան ավիաուղիներ»-ի ինքնաթիռը վայրէջքից առաջ թռչել է Սոչիից Օմսկ, օդաչուները հայտնել էին հիդրավլիկ համակարգի խափանումների մասին։ Այնուհետեւ որոշում էր կայացվել «Airbus»-ը վայրէջք կատարել Նովոսիբիրսկում, սակայն վառելիքի բացակայության պատճառով ինքնաթիռը հարկադիր վայրէջք է կատարել դաշտում։ Ինքնաթիռում եղել է 170 մարդ, այդ թվում՝ 23 երեխա։ Ոչ ոք չի տուժել, ուղեւորներն իրենք իրենցով էին տարհանվել, իսկ ապահովագրական ընկերությունը նրանց յուրաքանչյուրին վճարել է 100 հազար ռուբլի։