Միացյալ Նահանգները կշարունակի արտաքին օգնություն տրամադրել՝ չնայած Միացյալ Նահանգների Միջազգային զարգացման գործակալության (USAID) լուծարմանը։

Այս մասին հայտարարել է ԱՄՆ պետքարտուղար Մարկո Ռուբիոն Դոմինիկյան Հանրապետության մայրաքաղաք Սանտո Դոմինգոյում մամուլի ասուլիսի ժամանակ:

«Միացյալ Նահանգներն արտաքին օգնություն կտրամադրի, բայց դա կլինի արտաքին օգնություն, որն իմաստ ունի և բխում է մեր ազգային շահերից»,- ասել է Ռուբիոն։

Նա բացատրել է, որ միջազգային աջակցության մի քանի ծրագրի վրա չի ազդի USAID-ի աշխատանքը կասեցնելու մասին հրամանը: