Ո՞վ է մեր դաշնակիցը և ինչո՞ւ ենք մենք այսօր միայնակ կռվում թշնամու դեմ։ Այս մասին այսօր Կառավարության հետ հարցուպատասխանի ժամանակ հարցրեց ՔՊ-ական պատգամավոր Լուսինե Բադալյանը՝ հիշատակելով Ադրբեջանի ագրեսիան և հայկական կողմի միայնակ մնալու մասին կարծիքը։
«Շատ է քննարկվում, թե ինչո՞ւ այսքանից հետո Հայաստանը դուրս չի գալիս ՀԱՊԿ-ից»,-հետաքրքրվեց նա։
«Մեր դաշնակիցը Ռուսաստանի Դաշնությունն է և ՀԱՊԿ-ը: Իմ գնահատմամբ՝ ընթացք է տրվել մի գործընթացի, որը պետք է իր կոնկրետ լուծումներն ունենա, և ուզում եմ նաև ասել, որ, չնայած այդ խոսույթը կա, որ Հայաստանի և Ադրբեջանի սահմանների դելիմիտացիա և դեմարկացիա տեղի ունեցած չի, երեկվա մեր նիստի ընթացքում մեր գործընկերների կողմից հնչել են հստակ գնահատականներ, որ Ադրբեջանի զինված ուժերը ներխուժել են Հայաստանի ինքնիշխան տարածք։ Գործարկվել է ընթացակարգ, որը պետք է իր տրամաբանական արդյունքին հասնի։ Մենք դիմել ենք նաև Ռուսաստանի Դաշնությանը՝ 1997 թվականի պայմանագրի հիման վրա, ինչն իրենից ենթադրում է նաև ռազմական աջակցության ստացում»,-ասաց Փաշինյանը:
Մանրամասները՝ տեսանյութում