ՌԴ նախագահի մամուլի քարտուղար Դմիտրի Պեսկովը ևս մեկ անգամ հայտարարել է, որ չի կարող ո՛չ հաստատել, ո՛չ հերքել ՌԴ և ԱՄՆ առաջնորդներ Վլադիմիր Պուտինի և Դոնալդ Թրամփի շփումների մասին հրապարակումները, գրել են ԶԼՄ-ները։
«Ես երեկ հայտարարություն եմ արել այս հարցի վերաբերյալ։ Այլ բան չեմ կարող ասել ձեզ։ Ես չեմ կարող ո՛չ հաստատել, ո՛չ հերքել»,- ասել է Կրեմլի խոսնակը՝ պատասխանելով լրագրողներին։
Ավելի վաղ «The New York Post»-ը հայտնել էր, որ Թրամփը Պուտինի հետ հեռախոսով քննարկել է Ուկրաինայի հակամարտության կարգավորման հարցը։ Պեսկովը կիրակի ասել էր, որ չի կարող ո՛չ հաստատել, ո՛չ հերքել այս տեղեկությունը, թեև Մոսկվայի և Վաշինգտոնի միջև հաղորդակցությունն իրականացվում է տարբեր ուղիներով։