Մոսկվայի արևելքում կառույցի մասնակի փլուզման հետևանքով աշխատող է մահացել ապամոնտաժման ժամանակ, հայտնում է մայրաքաղաքի դատախազությունը Telegram-ի իր ալիքում։
Ավելի վաղ արտակարգ իրավիճակների ծառայության ներկայացուցիչը ՌԻԱ Նովոստիին հայտնել էր, որ երկու աշխատող մնացել են փլատակների տակ Մոսկվայի արևելքում նորակառույց շենքի փլուզումից հետո։
«Մասնավոր կազմակերպության կողմից Կոսինսկայա փողոցում գտնվող շենքի ապամոնտաժման ժամանակ տեղի է ունեցել կառույցի մասնակի փլուզում, ինչի հետևանքով 1992 թվականին ծնված բանվորը մահացել է: Փլուզված կառույցն այժմ ապամոնտաժվում է»,- ասվում է հաղորդագրության մեջ։
Նշվում է, որ Արևելյան վարչական շրջանի դատախազությունը վերահսկում է դեպքի բոլոր հանգամանքները, ինչպես նաև այս փաստի առթիվ իրականացված դատավարական քննության ընթացքն ու արդյունքները։