Ճապոնական Կյուսյու կղզում Սակուրաջիմա հրաբխի ժայթքումը տեղի է ունեցել կիրակի երեկոյան, տարածաշրջանում վտանգի մակարդակը բարձրացվել է առավելագույն հինգերորդի, հայտնում է Ճապոնիայի օդերևութաբանական գործակալությունը, փոխանցում է «ՌԻԱ Նովոստի»-ն:

Ժայթքումը գրանցվել է տեղական ժամանակով 20.05-ին (Մոսկվայի ժամանակով 14.05-ին), մոխրի և ծխի սյան բարձրությունը հասել է 2,5 կիլոմետրի:

Օդերևութաբանները զգուշացնում են խառնարանից 3 կիլոմետր շառավղով խոշոր հրաբխային քարերի անկման վտանգի մասին։ Կագոսիմա քաղաքի համար վտանգի մակարդակը հասցվել է առավելագույն հինգերորդի, ինչը ենթադրում է բնակչության տարհանում այդ տարածքներից։

Ճապոնիայի վարչապետ Կիսիդան կարգադրել է միջոցներ ձեռնարկել տեղեկատվություն հավաքելու և վերլուծելու, ինչպես նաև հրաբխի ժայթքումից հետո մարդկանց պաշտպանելու համար։