Եվրոպական մի խումբ երկրներ անաղմուկ աշխատում են Ուկրաինա զորքեր ուղարկելու ծրագրի վրա, որոնք կօգնեն ապահովել Ռուսաստանի հետ ապագա խաղաղ կարգավորումը, գրել է «Associated Press»-ը։
«Եվրոպական մի խումբ երկրներ, որոնք ավելի ու ավելի անհանգստացած են, որ ԱՄՆ-ի անվտանգության առաջնահերթությունները այլուր են, անաղմուկ աշխատում են Ուկրաինա զորքեր ուղարկելու պլանի վրա՝ օգնելու ապահովել Ռուսաստանի հետ ապագա խաղաղ կարգավորումը: Մեծ Բրիտանիան և Ֆրանսիան այդ ջանքերի առաջնագծում են, թեև մանրամասները սակավ են»,- գրել է թերթը։
Քննարկումներում ներգրավված երկրները չեն ցանկանում ցույց տալ իրենց խաղաքարտերը և առավելություն տալ Ռուսաստանի նախագահ Վլադիմիր Պուտինին, եթե նա համաձայնի բանակցել երեք տարի առաջ սկսած պատերազմի ավարտի շուրջ։
Եվրոպացիները մոտ մեկ տարի առաջ սկսել են ուսումնասիրել, թե ինչ ուժեր են կարող անհրաժեշտ լինել։ Շատ հարցեր մնում են անպատասխան, բայց մեկը առանձնանում է՝ «ի՞նչ դեր կարող է ունենալ ԱՄՆ-ը, եթե այդպիսինը կա»։