Նիկոլ Փաշինյանն այսօր ելույթ է ունեցել «Հանուն ժողովրդավարության» համաժողովին, որտեղ իր ելույթում նշել է, որ չնայած համաշխարհային ու տարածաշրջանային մարտահրավերներին, Հայաստանը հետևողականորեն շարունակում է իրականացնել ժողովրդավարական բարեփոխումների օրակարգը։
«Դրա արդյունքում մեր երկիրը բարելավել է իր դիրքերը համաշխարհային տարբեր վարկանիշներում։ Հայաստանը խստորեն դատապարտում է մարդու իրավունքների խախտումներն ամբողջ աշխարհում»,- նշել է նա։
Փաշինյանը շեշտել է նաև, որ ՀՀ-ն 2022-ի սեպտեմբերին բախվել է ՀՀ միջազգայնորեն ճանաչված տարածքի դեմ ագրեսիայի, ինչը հանգեցրեց Ադրբեջանի կողմից մեր ինքնիշխան տարածքի մի մասի օկուպացմանը։
«Դեռևս սեպտեմբերին մենք զգացինք ժողովրդավարական երկրների միասնականությունը և նրանց կողմից Հայաստանի դեմ ագրեսիայի հստակ դատապարտումը։ Ուզում եմ մեր երախտագիտությունը հայտնել ԱՄՆ-ին ու մեր մյուս գործընկերներին, որոնք դիվանագիտական միջոցներով օգնեցին մեզ կասեցնել հետագա ներխուժումը»,- նշել է Փաշինյանը։
Մանրամասները՝ տեսանյութում։