ՀՀ-ի շուրջ իրադրությունը շարունակում է մնալ կայուն լարված։ Այդ մասին այսօր ԱԺ ամբիոնից հայտարարեց Նիկոլ Փաշինյանը։
Նա նշեց, որ վերջին տասը օրվա ընթացքում տեղի են ունեցել մի շարք հանդիպումներ, որոնք ևս նպաստել են, որ վիճակը փոքր-ինչ կայունանա։
«Իհարկե, պարզ է, որ այդ հանդիպումներում եղած խոսակցությունները պարզ խոսակցություններ չեն»,- ասաց նա։
Փաշինյանի գնահատմամբ՝ վերջին շրջանի դիվանագիտական աշխատանքը առաջ գնալու որոշակի տարածք է բացել։
«Այս առումով ուզում եմ տալ գնահատական, թե ինչ ուղղություններով կարող է տարածք ստեղծվել, որ մենք գնանք առաջ։ Ըստ էության, 1991 թվականի դեկտեմբերի 8-ի հայտարարության հիման վրա Հայաստանն ու Ադրբեջանը կարող են միմյանց տարածքային ամբողջականությունը փոխադարձաբար ընդունել։ Կա որոշակի տարածք, որ սկսվի երկխոսություն ԼՂ-ի և Ադրբեջանի միջև։ Սրանք անկյունաքարային նշանակություն ունեցող քայլեր են»,- ասաց Փաշինյանը՝ հավելելով, որ այդ առումով Հայաստանը բավարարված է։