Թուրքիայի խորհրդարանի Արտաքին կապերի հանձնաժողովի նախագահ Աքիֆ Չաքաթայ Քըլըչը հայտարարել է, որ Անկարան կարող է կրկին դիմել «ֆուտբոլային դիվանագիտությանը»՝ Հայաստանի հետ հարաբերությունների կարգավորման գործընթացում։ 

Հիշեցնենք, որ 2008-ի սեպտեմբերին Թուրքիայի նախագահ Աբդուլլա Գյուլը ժամանել էր Երեւան՝ Հայաստանի այն ժամանակվա նախագահ Սերժ Սարգսյանի հրավերով, Հայաստան-Թուրքիա ֆուտբոլային հանդիպումը դիտելու, որն ընթանում էր Աշխարհի առաջնության ընտրական փուլի շրջանակներում։ 

Սերժ Սարգսյանը Աբդուլլահ Գյուլի Երևան այցից հետո բազմիցս հայտարարեց, որ ինքը կմեկնի Թուրքիա` պատասխան հանդիպումը դիտելու, եթե թուրք-հայկական սահմանը բաց լինի կամ լինի դրա նախօրեն: 2009թ. հոկտեմբերի 14-ի երեկոյան Սարգսյանը Թուրքիա մեկնեց՝ սահմանը, բայց, դեռ փակ էր: Հայաստանի հավաքականը դարձյալ պարտվեց: