Դրամի փոխարժեքը՝ այսօր
Եղանակը՝ այսօր
Միջազգային

Հայտնի է ով կլինի Շրի Լանկայի նոր նախագահը

Blog Image

Շրի Լանկայի խորհրդարանի խոսնակ Մահինդա Յպա Աբեյվարդենան կդառնա երկրի նոր ղեկավարը. այդ մասին հայտնել է «Շրի Լանկայի մուսուլմանների կոնգրես» կուսակցության ղեկավար Ռաուֆ Հակիմը։

Նրա խոսքով, բողոքի ակցիաներից ու ցուցարարների կողմից նախագահական նստավայրը գրավելուց հետո, խորհրդարանի արտահերթ նիստ է հրավիրվել, և  քաղաքական կուսակցությունները պահանջել են երկրի նախագահի և վարչապետի հրաժարականը։

Ըստ Ռաուֆ Հակիմի՝ նախագահի և վարչապետի հրաժարականների հարցում կոնսեսուսի չեն հասել, քանի որ վարչապետ Ռանիլ Վիկրեմեսինգհենը չի համաձայնել կատարել պահանջը։

Սակայն  նախագահին ու վարչապետին, մի շարք քաղաքական կուսակցությունների ղեկավարների անունից, հրաժարականի պահանջով նամակ է ուղարկել խորհրդարանի խոսնակը։

Այսօր Շրի Լանկայում բողոքի ակցիաները վերսկսվել էին։ Մարդիկ փողոց են դուրս եկել նախագահի հրաժարականի պահանջով։ Ցուցարարները գրավել են նախագահական նստավայրը։

Send