MediaHub.am-ի տեղեկություններով՝ ընդդիմությունը նոյեմբերի 9-ին հանրահավաք իրականացնելու որոշում դեռ չունի։ 

Երևանի քաղաքապետարանի լրատվության վարչության պետ Լևոն Սարդարյանը MediaHub.am-ին փոխանցեց, որ նոյեմբերին քաղաքում հանրահավաք անցկացնելու համար դիմել է միայն ԱԺԲ-ն՝ Ազատության հրապարակում և Մատենադարանի հարակից տարածքում։

«Մինչև նոյեմբերի վերջ, ամեն օր միայն նրանց հանրահավաքն է նախատեսվում, ուրիշ հայտ դեռ չկա»,-ասաց նա։ 

Հարցին, թե նոյեմբերի  9-ին հանրահավաք անցկացնելու համար այլ քաղաքական ուժ չի՞ դիմել, վերջինս պատասխանեց՝ ոչ և հավանական է, որ անցկացնելու դեպքում այն  կհամարվի որպես շտապ հավաք։ 

«Նոյեմբերի 5-ի հանրահավաքն էլ են նույն կերպ արել. Քաղաքապետարանը Ֆրանսիայի հրապարակում հանրահավաք անելու համաձայնություն միանշանակ չի տա»,-փոխանցեց Սարդարյանը։

Նոյեմբերի 5-ին կայացած Միասնության հանրահավաքի ժամանակ Սաղաթելյանը վերահաստատեց՝ պայքարը շարունակվում է, սպասվում են շրջադարձային իրադարձություններ:

Լիաննա Թորոսյան