Մոսկվան Իրանին տվել է բոլոր անհրաժեշտ պարզաբանումները, այսպես կոչված, «Զանգեզուրի միջանցքի» վերաբերյալ և ելնում է նրանից, որ նշված փաստարկը լսվել և ընդունվել է Թեհրանում։ Հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
Նրա խոսքով՝ հակառուսական տեղեկատվական արշավը ոգեշնչվել է որոշակի շրջանակների կողմից՝ Մոսկվայի և Թեհրանի միջև տարաձայնություններ առաջացնելու նպատակով։
Ավելի վաղ Հայաստանում Իրանի դեսպան Մեհդի Սոբհանին հայտարարել էր, որ ոմանց երազանքներն ու ցանկությունները՝ տարբեր անվանումներով, այդ թվում՝ այսպես կոչված «միջանցք», իրականություն չեն դառնա։