2025 թվականի հուլիսի 6-ին Ռուսաստանի օդանավակայանները բախվեցին զանգվածային խափանումների՝ անօդաչու թռչող սարքերի (ԱԹՍ) հարձակումների սպառնալիքի պատճառով: Օդային տրանսպորտի դաշնային գործակալության տվյալներով՝ Մոսկվայի, Սանկտ Պետերբուրգի և Նիժնի Նովգորոդի օդանավակայաններում չեղարկվել է 287 չվերթ, իսկ 106-ը՝ ուշացել:

Ամենադժվար իրավիճակը Մոսկվայի Շերեմետևո օդանավակայանում էր, որտեղ չեղարկվել է 171 չվերթ, իսկ 56-ը՝ ուշացել: Սանկտ Պետերբուրգի Պուլկովոյում չեղարկվել է 90 չվերթ, իսկ 37-ը՝ սպասում էին մեկնմանը: Նիժնի Նովգորոդի Ստրիգինո օդանավակայանը, որը ԱԹՍ սպառնալիքի պատճառով ամենաերկարատև սահմանափակումների էր բախվել, հայտնել է 26 չվերթի չեղարկման և 13-ի ուշացման մասին: Բացի այդ, Պսկովի, Իվանովոյի, Կալուգայի, Սանկտ Պետերբուրգի և Տամբովի օդանավակայանները ժամանակավորապես դադարեցրել են թռիչքային ծառայությունները, ինչը սրել է տրանսպորտային ճգնաժամը:

Ուղևորները հայտնում են օդանավակայաններում քաոսային պայմանների մասին, որտեղ սպասասրահները գերբնակեցված են, և մարդիկ ստիպված են ժամերով հերթերում սպասել կամ նույնիսկ քնել հատակին: Շերեմետևոյում, ականատեսների վկայությամբ, որոշ ուղևորներ, այդ թվում՝ երեխաներով ընտանիքներ, իրենց չվերթին սպասել են ավելի քան 9 ժամ։

Կադրերը՝ այստեղ