Թուրքիայի նախագահ Ռեջեփ Թայիփ Էրդողանն անդրադարձել է Հայաստանի վարչապետ Նիկոլ Փաշինյանի հետ ունեցած հեռախոսազրույցին։
«Հայկական կողմի նախաձեռնությամբ կայացած զրույցը վերաբերում էր Հայաստան-Ադրբեջան խաղաղ բանակցություններին։ Նախագահ Էրդողանը շնորհավորել է վարչապետ Փաշինյանին Հայաստանի և Ադրբեջանի միջև ձեռք բերված համաձայնության կապակցությամբ։ Նշելով, որ խաղաղության կամքը արժեքավոր է տարածաշրջանի հանգստության տեսանկյունից, Էրդողանը շեշտել է, որ այդ քայլը պետք է արդեն վերածվի կոնկրետ գործողությունների։
Նա հավելել է, որ Թուրքիայի և Հայաստանի հարաբերությունների կարգավորման գործընթացն առաջ մղելու համար բանակցությունները կշարունակվեն տեխնիկական մակարդակով, և այդ ուղղությամբ ջանքերը կպահպանվեն»,- նշված է Թուրքիայի նախագահի գրասենյակի X-ի միկրոբլոգում։