Հայաստանի մինչև 17 տարեկանների հավաքականը Ավանի ակադեմիայի մարզադաշտում կայացած ընկերական երկրորդ խաղում կամային հաղթանակ տարավ Մոլդովայի հասակակիցների նկատմամբ՝ 3:2 հաշվով։
Առաջին խաղակեսի մեծ մասում մեր թիմը երկու գնդակի տարբերությամբ զիջում էր մրցակցին, սակայն նախորդ խաղում դուբլ գրանցած Անդրանիկ Երվանդյանը կրճատեց հաշվի տարբերությունը՝ դարձնելով այն 1:2։
Երկրորդ խաղակեսի 78-րդ րոպեին Մհեր Հարությունյանը հավասարեցրեց հաշիվը, իսկ հաղթական գոլը ավելացված ժամանակի 90+6-րդ րոպեին խփեց Տիգրան Օհանյանը։
Հիշեցնենք, որ երկու օր առաջ՝ օգոստոսի 18-ին, հավաքականների միջև կայացած առաջին ընկերական խաղում Հայաստանի Մ17 ընտրանին 3:1 հաշվով հաղթանակ էր տարել։