Թուրքիայի և «Արդարություն և զարգացում» կուսակցության նախագահ Ռեջեփ Թայիփ Էրդողանը դատական ​​հայց է ներկայացրել և փոխհատուցում է պահանջում Ժողովրդահանրապետական կուսակցության ղեկավար Օզգյուր Օզելից։

500,000 թուրքական լիրա փոխհատուցելու հայցը ներկայացվել է Օզելի խոսքերի համար, որոնք, ըստ Թուրքիայի նախագահի, պարունակել են «վիրավորանք» և «սպառնալիք»:

Նոր հետաքննության հիմքում ընկած են քաղաքական գործչի հայտարարությունները հուլիսի 5-ին մամուլի ասուլիսի ժամանակ, որտեղ նա սուր քննադատության էր ենթարկել ընդդիմադիր քաղաքապետերի վերջին ձերբակալությունները:

«Անկարայի գլխավոր դատախազություն է ներկայացվել բողոք՝ նախագահին վիրավորելու և նրան սպառնալու մեղադրանքով քրեական հետապնդում սկսելու համար»,- ի թիվս այլնի՝ ասել է Էրդողանի փաստաբան Հուսեյն Այդինը։