ՀՀ հանրային ծառայությունները կարգավորող հանձնաժողովը մերժել է ՀԷՑ–ի ներկայացրած ներդրումային ծրագիրը։
- ՀԷՑ-ն առաջարկել էր 2025–ին ավելացնել ներդրումները` նախկինում հաստատված 47.6 միլիարդ դրամից դարձնելով 53.98 միլիարդ դրամ։ Առաջարկվող փոփոխությունների մերժումը հանձնաժողովը հիմնավորել է 2 պատճառով.
- Առաջարկվող աշխատանքների իրականացումը կբերի մեծ քանակությամբ պլանային անջատումների և կհանգեցնի հաճախորդների էլեկտրաէներգիայի մատակարարման որակի զգալի վատթարացման:
- Ընկերության կողմից առաջարկվող զգալիորեն ավելի բարձր ներդրումային գումարը ֆինանսական դժվարություններ կստեղծի ընկերության համար, ինչը կարող է բերել էլեկտրաէներգետիկական համակարգի անվտանգության և հուսալիության մակարդակի, էլեկտրաէներգետիկական համակարգի ֆինանսական կայունության նվազման։