ԱՄՆ նախագահ Դոնադլ Թրամփը ճնշում է գործադրում Իսրայելի վրա՝ դադարեցնելու վարչապետ Բենիամին Նեթանյահուի կոռուպցիայի գործով դատավարությունը՝ անուղղակի սպառնալիք ներկայացնելով ռազմական օգնությունը դադարեցնելու մասին, եթե «վհուկների որսը» շարունակվի, գրել են ԶԼՄ-ները։
ԱՄՆ նախագահները վաղուց Իսրայելին օգնությունը համարել են սրբազան, երկկուսակցական պարտավորություն։ Թրամփի աննախադեպ միջամտությունը, կարծես, 10 միլիոն իսրայելցիների անվտանգությունը կապում է մեկ մարդու քրեական հետապնդման հետ, գրել է Axios-ը։
Թրամփն ավելի վաղ գրել էր, որ «վհուկների քաղաքական որսը» կխանգարի Իրանի և Համասի հետ բանակցություններին։
Սա հաջորդել է Իսրայելի դատավորների կողմից Նեթանյահուի՝ լսումները երկու շաբաթով հետաձգելու խնդրանքը մերժելու որոշումին՝ մերժելով նրա այն փաստարկը, որ արտաքին քաղաքականությունը և ազգային անվտանգությունը պահանջում են հետաձգում։
Նեթանյահուն մեղադրվում է հարուստ գործարարներից ավելի քան 200,000 դոլարի նվերներ ընդունելու և հեռահաղորդակցության մագնատին հարյուր միլիոնավոր դոլարների արժողությամբ կարգավորիչ արտոնություններ տրամադրելու համար՝ ԶԼՄ-ներում բարենպաստ լուսաբանման դիմաց։
Դատավարությունը ձգձգվել է արդեն չորս տարի, մասամբ Նեթանյահուի կողմից դատական գործընթացի հետաձգման բազմակի մարտավարության պատճառով։