Վրաստանի Ազգային բանկը քննարկում է համագործակցության հնարավորությունները Չինաստանի սահմանային միջբանկային վճարային համակարգի (CIPS) հետ, այս մասին հայտարարվել է բանկի ղեկավար Նաթիա Թուրնավայի և CIPS-ի նախագահ Ֆու Հուանգի միջև Թբիլիսիում կայացած հանդիպումից հետո։

«Կողմերը քննարկել են Ազգային բանկի և CIPS-ի միջև համագործակցության հնարավորությունները, նաև երկրի ֆինանսական հաստատությունների համաշխարհային CIPS ցանցին մուտքի պարզեցման հետ կապված հարցեր», - ասվում է ՎԱԲ-ի մամուլի հաղորդագրության մեջ։

ՎԱԲ-ի ղեկավարի խոսքով՝ CIPS-ի հետ համագործակցությունը զգալիորեն կհեշտացնի երկու երկրների միջև վճարումները, փոխանցումները և գործարքները, նաև կնպաստի Վրաստանի դերի ամրապնդմանը Միջին միջանցքի նախագծում (Տրանսկասպյան միջազգային տրանսպորտային երթուղի):