ԱՄՆ Պետդեպարտամենտը պատժամիջոցներ է կիրառել կուբացի բարձրաստիճան պաշտոնյաների և կուբայական բիզնեսների դեմ՝ երկրի քաղաքացիների նկատմամբ ենթադրյալ բռնության մեջ նրանց դերի համար: Այս մասին հուլիսի 11-ին հայտարարել է ԱՄՆ պետքարտուղար Մարկո Ռուբիոն։
«Կուբայի ռեժիմի կողմից ցուցարարների դաժան ճնշումից չորս տարի անց ԱՄՆ Պետդեպարտամենտը սահմանափակում է կուբայական ռեժիմի առաջատար դեմքեր Միգել Դիաս-Կանել Բերմուդեսի, Լոպես Միերայի, Ալվարես Կասասի և նրանց մերձավորների վիզաները՝ կուբայական ռեժիմի կողմից կուբացի ժողովրդի նկատմամբ բռնության մեջ նրանց դերի համար», - գրել է նա X սոցիալական ցանցում։
Ռուբիոն նշել է, որ ԱՄՆ Պետդեպարտամենտը կանխելու է «կուբացի բնակիչների նկատմամբ բռնաճնշումների ֆինանսավորումը ամերիկյան դոլարներով»։