Սեյսմոլոգները ցնցումներ են գրանցել Խաղաղ օվկիանոսում՝ Կամչատկայի թերակղզու մոտակայքում, հայտնում է Ռուսաստանի գիտությունների ակադեմիայի Միասնական երկրաֆիզիկական ծառայության Կամչատկայի մասնաճյուղը։ Ցնցումը տեղի է ունեցել UTC-ի ժամանակով ժամը 2:52-ին (Մոսկվայի ժամանակով 5:52): Երկրաշարժի էպիկենտրոնը գտնվել է Պետրոպավլովսկ-Կամչատկայից 472 կիլոմետր հեռավորության վրա։ «Խորությունը (կմ)՝ 18.4: Մագնիտուդը՝ 5.3», - ասվում է ծառայության Telegram ալիքում տեղի ունեցած երկրաշարժերի մասին հաղորդագրությունների մեջ։