Ուրբաթ և շաբաթ օրերին՝ օգոստոսի 8-ին և 9-ին, սպասվում են երկու արեգակնային բռնկումներ, որոնք կարող են մագնիսական փոթորիկներ առաջացնել Երկրի վրա: Այս մասին հաղորդել է Ռուսաստանի գիտությունների ակադեմիայի տիեզերական հետազոտությունների ինստիտուտի Արեգակնային աստղագիտության լաբորատորիան:

Մասնագետների կարծիքով՝ արեգակնային քամու արագությունը կսկսի աճել արդեն հինգշաբթի՝ օգոստոսի 7-ին: Իսկ ուրբաթ առավոտյան, մոտավորապես ժամը 7-ին, սպասվում է միջին մակարդակի G2 մագնիսական փոթորիկ: Այն կտևի մոտ չորս ժամ:

Շաբաթ՝ օգոստոսի 9-ին, նույնպես կանխատեսվում է մագնիսական փոթորիկ, բայց թույլ մակարդակի` G1: Այն կսկսվի մոտավորապես նույն ժամին և կտևի մոտավորապես նույնքան ժամանակ:

Արեգակնային քամու արագությունը Երկրի ուղեծրի մոտ օգոստոսի 8-9-ը կհասնի մոտ 600-700 կմ/վրկ արժեքների։